Watter Eetplan Om Te Kies

Wonder jy watter eetplan om te kies?

Die goeie nuus is dat al drie eetplanne wat beskikbaar is op die LK Fitness app – Banting, Lae GI en Mediterreense – ewe goed werk! Die vraag is net, kan jy daarby hou?

Lees meer voordat jy jou keuse maak.

BANTING

 

Maaltye besit uit 65% Vet + 20% Proteïen + 15% Koolhidrate
  • Daarom is Banting die ideale plan vir mense wie:
    • Insulienweerstandig is en ook vir mense wat aan vetsug ly.
    • Sukkel om gewig te verloor as hul koolhidrate eet, soos brood, aartappels, rys, suiker en ander stysel.
    • Kronies honger voel en met “cravings” sukkel. 
    • Met ander woorde as jy opgeblaas voel nadat jy brood of stysel geëet het, of as jy gewig optel sodra jy stysel of suiker eet, is dít die eetplan vir jou.
  • Banting is n hoë vet, lae koolhidraat eetplan waar jy stysel en suiker heeltemal uitsny en meer goeie vet in jou eetplan toelaat.
    • Jy kry jou energie van vette soos olyfolie, botter, volroom produkte, kaas, neute ens.
    • Die koolhidrate wat jy inneem is in jou groente.
    • Jou Banting-riglyne besit GROEN, ORANJE en ROOI lyste wat jou presies sê wat jy mag en nie mag eet nie.
    • Jy mag matig droë witwyn, rooiwyn, droë sjampanje of whiskey en water/soda drink, maar indien jy alkohol gebruik en steeds sukkel om gewig te verloor, sny alkohol heeltemal uit.
  • Met die Banting leefstyl eet mens net as jy honger is.
    • Hierdie eetplan is dus net n riglyn. As jy nie honger is nie kan jy etes oorslaan.
    • As jy honger raak tussen maaltye dan het jy nie genoeg vet ingeneem in jou vorige maaltyd nie.
  • Het jy geweet?
    • Nuutste navorsing het bewys dat dit nie vet in jou dieet is wat hartsiektes veroorsaak nie, maar wel verfynde koolhidrate en suiker.
    • Ons Banting eetplanne is saamgestel deur Anel Kirsten, n dieetkundige van die Kaap en Dr Schoombee van Stellenbosch.

 

LAE GI

Maaltye besit meestal uit kosse met ‘n GI (Glukemiese Indeks/Glycemic Index) waarde van 55 of laer 
  • Daarom is lae GI die ideale plan vir mense wie:
    • Se insulienvlakke gereeld die hoogte inskiet, en dus sukkel om gewig te verloor.
    • Steeds koolhidrate soos brood, pasta en aartappels wil eet, eerder as om koolhidrate in jou dieet te beperk tot net groente.
    • Verkies om hoë vet kosse te vermy. (Moenie koolhidrate en hoë vet kombineer nie!)
    • Verfynde koolhidrate veroorsaak skommelinge in jou insulienvlakke.
  • Die Lae GI plan is ook n lae vet plan, waar jy hoë vet kosse en verfynde meel heeltemal uitsny en meer goeie koolhidrate (met lae GI indeks) in jou eetplan toelaat. Dit is koolhidrate wat energie stadig vrystel.
  • Met die lae GI leefstyl eet mens gereeld kleiner maaltye.
    • As jou porsie te groot is sal jy steeds nie gewig verloor nie. ‘n Porsie moet in die palm van jou hand pas. 
    • As jy dit nodig vind om te peusel, kan jy ‘n vrug tussen maaltye eet. Daar word toegelaat vir twee vrugte ekstra per dag, of 1 ekstra vrug en een klein houertjie lae-vet of vetvrye jogurt per dag.
  • Het jy geweet:
    • Ons lae GI eetplanne is saamgestel deur Anel Kirsten, n dieetkundige van die Kaap en Dr Schoombee van Stellenbosch.
    • Jy kan die Glukemiese Indeks gebruik om koolhidraat uitruilings te maak. Sien hier onder:

 

MEDITERREENSE

MAALTYE BESIT MEESTAL UIT 40% KOOLHIDRATE + 40% VET + 20% PROTEÏEN
  • Daarom is lae GI die ideale plan vir mense wie:
    • Lief is vir kosse soos lae koolhidrate groente, vis, volgraan produkte, vrugte, neute, bone, peulgewasse en olyfolie.
    • Hou van smaaklike, gegegeurde kosse. Die plan gebruik knoffel, roosmaryn, basiliekruid en oreganum om die geregte smaak te gee.
  • Met die lae GI leefstyl eet mens wanneer jy honger is, en stop sodra jy versadig is.
    • Vrugte word meestal geëet as ‘n peuselhappie of saam met ‘n maaltyd.
    • Rooivleis inname word beperk terwyl geprosesseerde kosse is glad nie deel van die Mediterreense eetplan nie.
    • Eiers speel ‘n belangrike rol in die Mediterreense diet. Omdat hulle min toegang tot rooivleis het, is eiers die hoofbron van proteïne. Eiers word meestal bedien saam met groente, slaai of as ‘n omelet. 
    • Die feit dat jy vars en gesonde kosse eet, sal jou help met gewigsverlies, omdat jy nie meer staatmaak op verpakte en gepsosesserde kos nie. Geprosesseerde kosse is oorlaai met suiker, sout en ongesonde vette.
    • Die voordeel om ‘n groot verskeidenheid plant-gebasseerde proteiene en volgraan koolhidrate in te neem is dat jou bloedsuiker vlakke stabiel bly en dat jy vir ‘n langer tydperk versadig voel, wat die kans dat jy ooreet verminder.
  • Het jy geweet:
    • Ons lae GI eetplanne is saamgestel deur Anel Kirsten, ’n dieetkundige van die Kaap.
    • Die hele doel agter dié gesonde eetplan, is om soos mense in die Mediterreense streek te eet deur vars vrugte en groente, gesonde vette, volgraan produkte, peulgroente, vis en ander vetvrye proteiene op jou bord te plaas.
    • Behalwe vir dit wat jy eet is die gesonde leefstyl gewoontes soos daaglikse oefening, vermindering van stres en genoeg slaap belangrike komponente om te volg as jy jou gesondheidsdoewelwitte wil bereik.

 

*Neem kennis: As jy allergieë of ander probleme het met sekere voedselsoorte wat in enige van die drie eetplanne voorgestel word, of as jy dit volgens jou gesondheidsvereistes wil aanpas, moet jy dit met jou dokter of ‘n dieetkundige bespreek.

Laai die toep af en kry weekliks jou eetplan (keuse tussen Banting & Lae GI ) en oefenprogram vooruit.  Jou eerste  Dae is GRATIS. Kliek hier om meer uit te vind: LINDA KRIEL TOEP

 

OF Kry een van die aanlynplanne op ons webtuiste hier: WEBTUISTE PLANNE

Comments 13

  1. Goeiedag, ek het n groen sop-resep wat bestaan uit broccoli, seldery, ui, spinasie of kale, klein bietjie gevriesde erte, hoenderaftreksel, halwe blikkie botterbone, sout en peper. Kook 5 min, versap, roer bietjie basil pesto in sop en bedien. Mag ek dit in plek van die tamatiebasis sopresep gebruik wat julle voorstel? Ek kan die botterbone en erte uitlaat as nodig.

    1. Hi Ilse

      dankie vir jou navraag. Op die Banting eetplan sal jy die erte en bone moet uitlaat anders is die koolhidrate inhoud van jou sop te hoog.

      Groete
      Lize (Biokinetika)
      LINDA KRIEL FITNESS

    1. Hi

      Ons is baie jammer om dit te hoor.
      Ons eetplanne is nie geskik vir mediese gevalle nie.
      Ons sou aanbeveel jy gaan sien ‘n Dieetkundige wat vir jou dogter ‘n spesifieke eetplan saamstel.
      Mense het verskillende ‘triggers’as dit by mediese diete kom en ons dra geen mediese kennis of geskiedenis van haar nie.
      Baie sterkte, ons hoop julle kom reg by ‘n Dieetkundige of proffesionele hulp.

      Groete
      Lize (Biokinetika)
      LINDA KRIEL FITNESS

          1. Hi

            Ons eetplanne is gesonde gebalanseerde spyskaarte, maar dit is ook vir vroue vir gewigsverlies.
            Maak seker dat jou dogter genoeg energie inneem vir groei.
            Baie sterkte!!

            Groete
            Lize (Biokinetika)
            LINDA KRIEL FITNESS

    1. Hi Retha

      Dankie vir jou navraag.
      Ek het gaan raad vra by ons dieetkundige, Anel en hier is haar antwoord: “Ek stel voor dat sy haar bloed nl LIPOGRAM laat toets elke 3 maande om te sien wat met haar cholesterol vlakke gebeur. Gene speel ‘n groot rol en daaraan kan mens nie veel doen nie. Sekere mense se cholesterol telling kom af op Banting, ander sin neem toe. Dus indien sy liggaam verswak op Banting stel ek voor hy kyk na ‘n ander dieet. Dit sal ook waarde hê om met ‘n dieetkundige te gesels wat sal help met monitering en bloedtoetse. Dit sal goed wees en help om intussen eerder meer te foKus op vette soos neute, olywe, avokadopeer wat meer plantaardig is om versadig te voel as te veel proteiene.”

      Groete
      Lize (Biokinetika)
      LINDA KRIEL FITNESS

  2. More

    Ek het so jaar terug die 28 dae eetplan gevolg en goed gewig verloor so 15kg. het nou weer bietjie opgetel en sukkel om weer op dreef te kom met die plan.

    wil net uitvind of die 28 dae eetplan goed of sleg is? kan ek aangaan daarmee of eerder iets anders volg?

    het ook in die tydperk wat ek die plan gevolg het nogal baie hare verloor en begin gout kry.

    dankie
    Rita

    1. Hi Frans

      Gaan na https://www.lindakriel.co.za
      (Selfoon kliek op 3 strepies vir die menu)
      // kliek op My rekening en Teken in.
      // Vul jou username en password in en kliek op Login.
      // kliek op OEFEN-en EETplanne en jy sal jou planne sien.
      // ‘Hover’ op jou planne(Wenlyf Banting). Daar sal ‘n foto/logo verskyn en onder die foto is die inhoud waarna jy soek.
      // Kliek op die inhoud onder foto en kliek op dit (bv inleiding, Detoks, eetplan ens) waarna jy opsoek is.
      Geniet jou eet- en oefenplanne!

      Mans moet hul proteien porsies 1,5 tot verdubbel met die eetplanne.

      Groete
      Lize (Biokinetika)
      LINDA KRIEL FITNESS

Leave a Reply