Vetverbranding-Sop

Vetverbranding-sop

Jy kan die sop enige tyd eet wanneer jy honger voel. Dit hou jou versadig en maak nie vet nie. Hierdie sop kan saam met ons Lae GI en Banting eetplanne gebruik word. As jy dit as ‘n ete eet: op die Banting eetplan, kan jy bietjie kaas oorstrooi en op die Lae GI eetplan kan jy ‘n snytjie lae GI brood saam eet.  Moet nooit SLEGS hierdie sop eet vir ’n paar dae aaneen om gewig te verloor nie, dit bevat nie al die voedingstowwe nie en jy sal aan wanvoeding lei.

Bestanddele:

  • ’n Halwe (tot 1) koolkop
  • 2 Blikkies fyngemaakte tamaties
  • +- 3 Blikkies water
  • 2 Groenrissies
  • 6 Groot uie
  • 1 bossie seldery
  • 2 Beesvleis-blokkies

Metode:

  1. Sny groente in stukkies en bedek met water.
  2. Geur met sout, peper, basielie kruid (basil), paprika, 2 beesvleis-blokkies, kerrie (opsioneel)
  3. Kook tot groente sag is.

 

Verander jou leefstyl met ons TOEP: Linda Kriel App

OF Kry vandag ‘n aanlyn eet-en oefenplan hier: Kick-start Plus 

 

Wat is die verskil tussen die Toep en die aanlynplanne?

❇️Die toep is makliker om te gebruik, want alles is op jou slimfoon. 🔸Met die aanlynplanne, moet jy elke dag inteken op die webtuiste met jou wagwoord om die program en eetplan te kry.

❇️Met die toep kry jy weekliks jou oefen- en eetplanne vooruit, heel jaar deur, elke week ‘n ander program.🔸 Die aanlynplanne bestaan slegs uit 21 dae se oefen en eetplanne en sommiges slegs 7 dae eetplanne, wat jy kan herhaal.

❇️Die toep het kort videos van die oefeninge. 🔸Die aanlynplanne het foto’s met beskrywings.

❇️Met die toep neem jy ‘n maandelikse subskripsie uit (R119. Die geld gaan maandeliks af van jou rekening deur die app store, OF ‘n jaarlikse subskripsie (wat baie goedkoper uitwerk). Jy kan enige tyd jou subskripsie kanselleer vordat jou volgende paaiement afgaan. 🔸Die aanlynplanne is net ‘n eenmalige bedrag wat jy per EFT of bankkaart betaal. (Pryse wissel tussen R110 tot R190 per plan.

❇️Die toep se oefen- en eetplanne is dadelik beskikbaar sodra jy aangesluit het. 🔸Met die aanlynplanne moet jy tussen 2 en 12 ure wag voordat dit geaktiveer is.

Linda xx

Leave a Reply