Saboteer Alkohol jou Gewigsverlies plan?

Saboteer Alkohol jou Gewigsverlies plan?

Wanneer jy gewig probeer verloor, is daar altyd die standaard advies van “eet minder kalorieë as wat jy verbrand.” Alle kalorieë word egter nie op dieselfde manier saamgestel nie. Bv. 150 kalorieë van broccoli, gaan nie dieselfde effek op jou bloedsuiker en metabolisme hê, as 150 kalorieë, van ‘n drankie nie. Alkohol het ‘n spesifieke, unieke uitwerking op ons liggaamsisteme – sommige daarvan maak dit moeilik om gewig te verloor en om aktief te bly.

Indien jy reg eet en oefen, maar sukkel om gewig te verloor, sal jy na jou alkoholinname moet kyk.

Alkohol ‘n dehidrerende effek en dit het ‘n invloed op al jou organe en sisteme, spysvertering ingesluit.

Die grootste effek van alkohol op jou gewig, is egter die effek op jou lewer se vermoë om suiker te prosesseer,  asook die wyse waarop dit absorpsie van alle voedingstowwe verhinder, sê Dr. Scott, ‘n sport-medisyne dokter in Los Angeles. Hy voeg by dat alkohol jou liggaam se vermoë om kalorieë effektief te verbrand, verlaag, en dit maak dit nog erger.

Die gebruik van alkohol verlaag mens se inhibisies en dit kan ‘n invloed hê op die wyse waarop jy gewoonlik jou eetgewoontes beheer.  ‘n Mens voel gewoonlik honger en peuselrig wanneer jy alkohol gebruik en waar jy gewoonlik maklik nee kan sê vir verkeerde kosse, is die kanse goed dat jy jou inhibisies oorboord gooi na ‘n drankie en maklik gryp na verkeerde kosse.

Alkohol kan ook jou slaappatrone verander, veral die mate van diep, genesende slaap. Dis veral merkbaar as ‘n drankie binne ‘n paar uur van slaaptyd geneem word. Die rede hiervoor is omdat dit jou sirkadiese ritme kan onderbreek, jou genesende REM slaap kan blokkeer en asemhalingsprobleme kan vererger. As jy nie goeie kwaliteit slaap inkry nie, kan dit jou oefenprogram affekteer – dit is, as jy enigsens by oefen uitkom. Die wat so bietjie dof voel, al het hul nie babelas nie, kan oefening oorslaan, net om eerder hul herstellende slaap in te kry. As die volgende aand egter nóg ‘n rondte van drankies oplewer, en weer swak voedselkeuses en weer lae kwaliteit slaap, is dit moontlik om in ‘n siklus vasgevang te word wat jou weerhou van jou doelwitte bereik. Goeie slaappatrone is noodsaaklik vir gewigsverlies.

Ten spyte van die negatiewe effekte van alkohol, word daar nie geimpliseer dat niks gedrink moet word om gewigsverlies moontlik te maak nie. Matigheid bly die deurslag, en dit word gedefinieer as een drankie per dag vir vrouens en twee vir mans.

Die dokters stel voor dat indien jou gewigsverlies stilstaan, of daar ander gesondheidskwessies is, wat met alkohol verbruik geassosieer kan word, soos bv. lae energievlakke of min slaap – dit die moeite werd is om ‘n “droë week” of selfs “droë maand” te hê, om die effek van geen alkohol, op jou waar te neem. Sommige kan ‘n hernieude begin tot gewigsverlies hê en weer gesonder gewoontes kweek. Jy hoef dit nie vir altyd uit jou dieet te laat as jy nie wil nie. Daar is baie waarde daarin om  ‘n breek te neem. Wanneer jy dan weer begin, moet jy aandag gee aan hoe dit jou affekteer.

 

Besoek my webwerf vir gespesialiseerde gewigsverlies programme en my oefenklere: https://www.lindakrielfitness.co.za/shop/

 

Beste Wense

Linda Kriel xx

 

 

 

 

 

 

 

 

 

 

 

 

 

 

 

 

 

Leave a Reply