Gesonde Pizza met Blomkool-Kors

Lae Koolhidraat Pizza

Pizza met blomkool-kors

Hierdie is een van die beste lae koolhidraat pizza korse wat daar is. Baie moeilik om te glo dit word van blomkool gemaak! Die geheim is dat die blomkool ordentlik gedereineer moet wees, anders val jou kors uitmekaar  en ‘n pizza moet lekker aan die kors opgetel kan word!

Al volg jy enige van ons 3 eetplanne (Keto/Banting, of Lae GI Lae Vet, of Mediterreense eetplan) kan jy eenkeer per week die pizza en met enige van die aandetes vervang. Jy kan ‘n porsie pizza (¼ van die pizza) met ‘n slaai eet.

Nota: As jy die Lae GI Lae vet eetplan volg, moet jy die spek vervang met ham/hoender/tuna en die mozzarella kaas vervang met lae-vet cheddar. As jy ons Mediterreense eetplan volg kan jy die spek vervang met hoender/tuna/.

4 Porsies

BESTANDDELE:

250g blomkool-rys (rou blomkool wat BAIE fyn gemaak is)

1 eier

250g mozzarella kaas

5ml oreganum en pietersielie

30ml suikervrye tamatiesous

150g spek, gaar en opgekap

150g sampioene, in skyfies gesny en gaar

30g feta kaas, gekrummel

125g ekstra mozzarella, gerasper

METODE:

  1. Voorverhit die oond tot 230°C
  2. Spuit ‘n groot tertbord goed met kleefwerende middel.
  3. Meng die blomkool, eier en mozzarella saam. Druk die mengsel goed vas in die bord. Sprinkel bietjie oreganum en pietersielie bo-oor. Bak vir 15 minute. Verwyder die bord uit die oond en laat effens afkoel. Keer die pizza-kors versigtig uit en plaas op ‘n gesmeerde bakplaat.
  4. Verf die kors met tamatie-basis sous (sien wenk hier onder), voeg spek en sampioene oor. Sprinkel ook die feta en die addisionele mozzarella kaas.
  5. Plaas onder die roosterelement van die oond en rooster tot die kaas gesmelt is.
  6. Bedien warm.

Wenk: Vir ‘n tamatie–basis sous kan jy geblikte tamaties, knoffel, balsamiese asyn en ‘n bietjie olyfolie meng met ‘n handmenger (stick blender).

Volg die Lae Koolhidraat (Banting/Keto);   of Lae GI lae vet eetplan;  of Mediterreense eetplan op my toep, kliek hier: Linda Kriel TOEP

     
                                                                 

 

 

 

 

 

Vernuwing in seisoene….

Tyd vir nuwe oefenklere ook! 

Kyk gerus na ons pragtige oefenbroeke

op die skakel: LK Oefenbroeke

 

 

Leave a Reply