Beheer jou eetdrange (cravings)

5 Eenvoudige maniere om jou eetdrange (cravings) te beheer

‘n Skielike oorweldigende begeerte na sjokolade of ‘n sak skyfies! Eetdrange kan uit nêrens opduik en jou gewigsverlies benadeel. Daar is egter fisiologiese sowel as sielkundige redes daarvoor. Die goeie nuus is dat daar baie maniere is om eetdrange te bestuur.

Bly op die regte spoor en bereik jou leefstyldoelwitte met hierdie vyf wenke vir die vermindering van eetdrange:

  1. VOLG ‘N EETPLAN

Goed gebalanseerde maaltye ryk aan vesel, proteïne van hoë gehalte en gesonde vette sal jou langer versadig hou, wat beteken dat jy minder geneig is om ‘n ongesonde versnapering te eet. Daarom is maaltydbeplanning ‘n uitstekende hulpmiddel. As jy vooraf weet wat jy gaan eet, kan dit ook die stres verminder, wat ‘n belangrike faktor in gewigsverlies is. In die Linda Kriel Fitness Toep  kry jy weekliks jou maaltye vooruit. Jy’t ‘n keuse tussen ‘n Lae Koolhidraat (Banting) of Lae GI Lae vet eetplan.

     2. VERHOOG PROTEïNE EN GOEIE VET      

This image has an empty alt attribute; its file name is Healthy-fats--1024x678.jpgDie liggaam werk harder om proteïene te verteer, wat jou vol laat voel vir langer. Aangesien proteïene en vet die opname van suiker tydens ‘n maaltyd vertraag, kan die eet van voedsel wat ryk is aan beide proteïene en goeie vette, die bloedsuiker en eetdrang stabiliseer. Probeer meer kos soos salm, tuna, eiers, neute en volvet Griekse jogurt by jou dieet insluit.

     3. VERHOOG JOU VESELINNAME

Dieetvesel vertraag die tempo waarteen voedsel in jou bloedstroom beland en verhoog die spoed waarteen voedsel jou liggaam verlaat. Hierdie proses hou jou bloedsuikervlakke in toom en dit verminder jou eetlus en skep ‘n gevoel van volheid vir ‘n langer tydperk.

Image result for fibre to your diet

Vesel kom voor in die meeste plantaardige voedsel soos volgraan, boontjies, vrugte, groente, neute en sade. 

Hier is ‘n paar eenvoudige maniere om veselverbruik te verhoog:

  • Eet meer groente. Veral die kruisagtige groente soos blomkool, kool, kale, blaarslaai, broccoli, brussel sprouts en ander groen blaargroente.
  • Voeg ‘n eetlepel of twee gemaalde vlas- of chia-sade by maaltye en versnaperinge.
  • Kies daagliks hoë vesel vrugte soos frambose, swartbessies, appels en pere.

   4. BEPLAN JOU KOSKAS

Related image

Verban alle eetgoed wat jou in versoeking stel en vervang dit met iets gesond. As skyfies byvoorbeeld jou swakpunt is, sorg dat daar provitas en marmite in jou kas is en as jy Banting doen, sorg dat daar neute is. As soetgoed jou doodslag is, maak ‘n koppie koffie of tee met Xilitol, of eet ‘n vrug.

   5. VIND ALTERNATIEWE VIR EET

This image has an empty alt attribute; its file name is fullsizeoutput_2e95.jpeg

Maak nou ‘n nota van lekker dinge om te doen, sodat wanneer jy weer ‘n eetdrang kry kan jy jou aandag daarvan aflei deur dit te doen. Jou lys kan byvoorbeeld insluit:

  • Lees jou gunsteling tydskrif of boek.
  • Neem die hond vir ‘n stap om die blok.
  • Verf jou naels.
  • Kyk ‘n Youtube video.

Laai die Linda Kriel Fitnes Toep vandag af vir jou weeklikse oefen- en eetplanne. Lees hier meer:  Linda Kriel Toep

Leave a Reply