5 Foute om reg te stel wanneer jy stap vir gewigsverlies

5 FOUTE OM REG TE STEL WANNEER JY STAP VIR GEWIGSVERLIES

‘n Energieke, vinnige stap kan ‘n uitstekende manier wees om fiks te word, gewig te verloor en gesond te bly. Stap is ‘n maklike, natuurlike manier om energie te verbrand, maar ons kan leer om meer effektief te stap, sodat meer vet verbrand word.

As jy ‘n plato met jou gewigsverlies bereik het, kan sekere regstellings in jou stapprogram, maklik gemaak word, om te verseker dat jy weer op koers is en jou gewigsverlies doelwitte bereik word.

Fout no. 1

Jy verander nooit jou pas of  intensiteit nie

n Rustige stap is beslis beter as geen oefening nie, maar as jy wil werk aan jou fiksheid en gewig wil verloor, is ‘n vinniger energieke stap nodig.

Stap kan net soveel meer effektief en genotvol wees, indien hoë-intensiteit intervalle bygevoeg word. Intervalle hoef nie vir die hele sessie te duur nie, en hoef ook nie deel van elke sessie te wees nie. Beginners kan 3 keer per week ten minste 15 minute van hoë- intensiteit stap doen, maar nie op 3 opeenvolgende dae nie(bv. Ma, Wo, Vr). Of 2 hoë- intensiteit stapsessies en 1 van my HIIT programme in my LINDA KRIEL FITNESS APP.

Voorbeeld van ‘n HIIT stapsessie: 1 minuut vinnige stap, gevolg deur 1 minuut met ‘n stadiger tempo. Swaai jou arms gedurende die vinnige stap. Dit sal nie net die tempo help verhoog nie, maar gee ook ekstra oefening vir jou bo-lyf en jy sal  5 – 10% meer kalorieë verbrand. Hierdie tipe HIIT program kan help om jou metabolisme te verhoog asook deur ‘n gewigsverliesplato te oorkom.

Fout no. 2

Jy het nie ‘n vaste roetine nie

Die geheim tot die vorming van goeie gewoontes, is herhaling. As jy nie ‘n vaste roetine het nie, is dit baie maklik om te stagneer en jou stapsessie te vermy. Om dit te verhoed,  moet jy ‘n skedule opstel en eenvoudig daarby hou. Sit dae opsy om saam met iemand te gaan stap of stap gedurende jou etensuur. Jy kan moontlik vroeër wil opstaan om te oefen of na aandete, gaan stap. Deur ‘n spesifieke tydgleuf, wat vir jou elke dag sal werk, te identifiseer, sal jy jou kanse verhoog om dit ‘n konstante deel van jou daaglikse roetine te maak. As jy een dag oorslaan, moenie jouself kruisig nie, sit net weer so gou moontlik, jou roetine voort.

Fout no. 3

Jy verander nie jou roete nie

Dit is verbasend maklik om in ‘n patroon vas te val. Jou liggaam raak gewoond en die uitdaging al hoe minder, indien jy heeltyd dieselfde roete stap, Verander jou omgewing gereeld om gewisgsverlies ‘n hupstoot te gee en dit opwindend te hou. Stel ‘n paar roetes op, waarvan die lengte, graad en terrein verskil. Dit kan ‘n nuwe park wees, ‘n heuwelagtige roete, ‘n roete in die berg, op die strand of  in ‘n nuwe area wees. Verskillende  terreine stimuleer verskillende spiergroepe en daag jou liggaam op nuwe maniere uit.

Fout no. 4

Jy stap te stadig

Jy moet teen dieselfde tempo stap, as wat jy op die lughawe sou stap, indien  jy jou vlug sou verpas. Moenie stop om blommetjies te ruik of met die bure gesels as jou doelwit is om gewig te verloor nie. Wanneer jy stop,  daal jou harttempo tot ‘n vlak, wat te laag vir vetverbranding is. Onthou om jou staptempo op sekere dae te varieer. Sien fout no.1 hierbo.

Fout no. 5

Jy doen geen kragoefeninge nie

Moenie al jou energie vir stap gebruik as jy probeer om met ‘n rokgrootte af te kom nie. Kragoefening speel ‘n sleutelrol in gewigsverlies aangesien dit spiere bou en spiere verbrand meer kalorieë as vet; geskat, ongeveer 3 keer meer. Dit kan eenvoudige oefeninge met jou eie liggaamsgewig wees, soos opstote, hurke(squats) en trisep dips of met die gebruik van apparate soos handgewigte. Kragoefeninge help om maagspiere(core) en  heup- en boudspiere te versterk en verhoog ook beendigtheid. Op die manier sal jy verder en vinniger kan stap. Dit kan ook beserings help voorkom, wat beteken jy gaan vinniger jou doelwit bereik.

Wenk: Doen ‘n paar kragoefeninge(2 of 3) direk nadat jy gestap het. Jou liggaam is opgewarm en dit sal net 3 tot 5 minute neem.

Besoek ons webwerf vir gratis oefeninge vir jou probleemareas:

Vir ons Engelse webwerf, kliek op: Linda Kriel Fitness

Vir ons Afrikaanse webwerf, kliek op: Eet reg, Oefen reg

Laai die Linda Kriel Fiksheidstoep vir dieetplanne en oefenprogramme af.

Gebruik die toep en kombineer van die oefeninge daarin met jou stapprogram of maak gebruik van al die toepprogramme om tydens koue, reënerige dae binnenshuis te oefen.

Om meer hieroor te weet, kliek op : LINDA KRIEL FITNESS APP

 

 

 

 

Leave a Reply